Մեր ֆուտբոլասեր ապագա լրագրող Գայան այս զրույցները վարել եւ նյութը պատրաստել էր մինչ «թավշյա հեղափոխությունը»: Սա էլ, նախորդ նյութերի նման, չէինք հրապարակում հայտնի պատճառներով: Սակայն հիմա, երբ մեր ֆուտբոլի հավաքականին երկու նոր հանդիպումներ են սպասում, որոշեցինք, այնուամենայնիվ, ընթերցողին ներկայացնել այս երկու կարծիքները:
***
1.«Նման խաղով Հայաստանի հավաքականը անելիք չունի Ազգերի լիգայում»
Ֆուտբոլն առանց երկրպագուների գոյություն ունենալ պարզապես չի կարող: Ամենածանր պարտությունից կրած ցավն էլ անգամ կարելի է մեղմել երկրպագուների աջակցությամբ, նվիրումով և վանկարկումերով: Բայց երկրպագուները իրենց նվիրման դիմաց փոխհատուցում են ակնկալում: Իսկ այդ փոխհատուցումը հաղթանակներն են, գեղեցիկ ֆուտբոլը, հույզերը: Իհարկե, ֆուտբոլը խաղ է, և թիմը միշտ հաղթել չի կարող, կլինեն պարտություններ: Չնայած Հայաստանի ֆուտբոլի ազգային հավաքականի վերջին շրջանում ցուցադրած ոչ այդքան համոզիչ խաղին, երկրպագուները հավաքականի կողքին են: Կազմակերպում են երթեր խաղերից առաջ, գնում մարզադաշտ: Շարունակել կարդալ